বংশ বৃক্ষ পৰীক্ষণৰ বাবে পিতৃ-মাতৃ এন আৰ চি কেন্দ্ৰত : ঘৰত কিশোৰীক ধৰ্ষণ

বংশ বৃক্ষ পৰীক্ষণৰ বাবে পিতৃ-মাতৃ এন আৰ চি কেন্দ্ৰত : ঘৰত কিশোৰীক ধৰ্ষণ

মাৰ্ঘেৰিটাত ১২ বছৰীয়া কিশোৰীক ধৰ্ষণৰ অভিযোগ : আৰক্ষীৰ জালত অজয় শৰ্মা

লিডু : ৰাজ্যত কোনোমতেই হ্ৰাস পোৱা নাই ধৰ্ষণৰ দৰেজঘন্য কাণ্ড৷ এইবাৰ পিতৃ-মাতৃয়ে ঘৰত অকলে এৰি থৈ যোৱা এগৰাকী অসহায় ১২ বছৰীয়া কিশোৰীক ধৰ্ষণ কৰাৰ অভিযোগ উত্থাপন হয় প্ৰতিবেশীৰ বিৰুদ্ধে৷ এই কাণ্ড সংঘটিত হৈছে তিনিচুকীয়া জিলাৰ মাৰ্ঘেৰিটাত৷
তিনিচুকীয়া জিলাৰ মাৰ্ঘেৰিটা আৰক্ষী থানাৰ অন্তৰ্গত আলুবাৰীত ১২ বছৰীয়া কিশোৰীক ধৰ্ষণ কৰাৰ অভিযোগত অঞ্চলটোত তীব্ৰ চাঞ্চল্যৰ সৃষ্টি কৰিছে।
জানিব পৰা মতে, আলুবাৰীৰ এটি পৰিয়ালৰ মুৰব্বী পিতৃ-মাতৃয়ে নিজ ১২ বছৰীয়া কন্যাক এৰি শুকুৰবাৰে এনআৰচিৰ বংশ বৃক্ষ পৰীক্ষণৰ বাবে এনআৰচিৰ সেৱা কেন্দ্ৰলৈ যাব লগা হয়৷ পিতৃ-মাতৃয়ে সন্ধিয়া উভতি আহিম বুলি ভাবিছিল যদিও এনআৰচি সেৱা কেন্দ্ৰত কাম শেষ নোহোৱাৰ ফলত নিশা আলহীৰ ঘৰতে কটায়৷ এনআৰচি সেৱা কেন্দ্ৰলৈ যোৱাৰ সময়ত ঘৰলৈ আহিব নোৱাৰিলে কিশোৰীগৰাকীক চোৱা চিতাৰ দায়িত্ব দিয়ে প্ৰতিবেশী অজয় শৰ্মাক৷
পিতৃ-মাতৃয়ে নিশা ঘৰলৈ উভতি নহাত অজয়ে শৰ্মাই অসহায় কিশোৰীগৰাকীক নিশা প্ৰথমে অবৈধ কাৰ্য কৰিবলৈ জোৰ কৰে৷ তাৰ পিছতে কিশোৰীয়ে সৈমান নোহোৱাত শৰীৰৰ বলেৰে ১২ বছৰীয়া এই কিশোৰীক ধৰ্ষণ কৰে৷
পুৱা পিতৃ-মাতৃ ঘৰলৈ উভতি অহাৰ পিছতে কিশোৰীগৰাকীয়ে সমগ্ৰ ঘটনা মাতৃক জনায়৷ মাতৃয়ে এই কথা ৰাজহুৱা কৰে ফলত অঞ্চলটোত সৃষ্টি হয় উত্তেজনাপূৰ্ণ পৰিবেশৰ৷
স্থানীয় ৰাইজে মাৰ্ঘেৰিটা আৰক্ষীক খবৰ দিয়াত আৰক্ষী ঘটনাস্থলীত উপস্থিত হৈ অজয় শৰ্মা এগৰাকী কাঠ মিস্ত্ৰিক গ্ৰেপ্তাৰ কৰে। এই খবৰ অঞ্চলটোত বিয়পি পৰাৰ পিছতে আৰক্ষী থানা চৌহদত বহু মানুহৰ সমাগম ঘটে আৰু অজয় শৰ্মাক থানাৰ পৰা উলিয়াই দিয়াৰ দাবীত ৰাইজে পৰিবেশ উত্তাল কৰে৷ মাৰ্ঘেৰিটা থানাৰ ভাৰপ্ৰাপ্ত আৰক্ষী বিষয়াই ঘটনাৰ উচিত তদন্ত আৰু দোষীক শাস্তি দিয়া হ’ব বুলি কোৱাৰ পিছতহে ৰাইজ ক্ষান্ত হয়৷
অনুষ্ঠানত স্থানীয় জনপ্ৰতিনিধিক অৱজ্ঞা :  মুখ্যমন্ত্ৰী সৰ্বানন্দলৈ বিৰোধী দলপতি দেবব্ৰত শইকীয়াৰ চিঠি

অনুষ্ঠানত স্থানীয় জনপ্ৰতিনিধিক অৱজ্ঞা : মুখ্যমন্ত্ৰী সৰ্বানন্দলৈ বিৰোধী দলপতি দেবব্ৰত শইকীয়াৰ চিঠি


বিষয়ঃ সমষ্টিৰ নিৰ্বাচিত জন প্ৰতিনিধিক অথবা বিধায়কক উদ্ধোধনী অনুষ্ঠানলৈ নিমন্ৰণ নজনোৱাকৈ মুখ্যমন্ত্ৰী, সাংসদ আৰু অন্য সমষ্টিৰ জনপ্ৰতিনিধক নিমন্ত্ৰণ জনাই উদ্ধোধনী অনুষ্ঠানৰ আয়োজনৰ এক অশুভ আৰু অগনতান্ত্ৰিক প্ৰক্ৰিয়াৰ অৱসান ঘটাবলৈ মুখ্যমন্ত্ৰী মহোদয়ৰ দৃষ্টি আকৰ্ষণ।

NO.ALA/LoP/R/2018/2965
Dated Dispur, the 26th May, 2018

নমষ্কাৰ গ্ৰহন কৰিব।
আপোনাৰ জ্ঞাতাৰ্থে জনাব বিচাৰো যে, আজি ২৬ মে' ২০১৮ তাৰিখে অনুষ্ঠিতব্য লাকুৱা পৰিবৰ্ত্ত তাপবিদ্যুৎ প্ৰকল্পৰ উদ্বোধনী অনুষ্ঠানলৈ স্থানীয় বিধায়কক নিমন্ত্ৰণ পৰিকল্পিত ভাবে জনোৱা হোৱা নাই। সন্মানীয় মুখ্যমন্ত্ৰীয়ে উদ্বোধন কৰিব লগা এই অনুষ্ঠানত স্থানীয় সাংসদ আৰু অন্য সমষ্টিৰ জনপ্ৰতিনিধি উপস্থিত থাকিব বুলি নিমন্ত্ৰণী পত্ৰ ছপাই কাৰ্যসূচী প্ৰস্তুত কৰা পৰিলক্ষিত হৈছে। অৱশ্যে পূৰ্বৰ বিজ্ঞাপনত মোৰ নাম উল্লেখ নকৰি বহুল প্ৰচাৰ চলোৱাৰ পাছত আজি মোৰ নাম আপোনালোকৰ লগত অতিথিৰূপে উল্লেখ কৰি বিজ্ঞাপন দিছে৷ মোৰ আজি এই চৰকাৰী গুৰুত্বপূৰ্ণ অনুষ্ঠানত আপোনাৰ কাষত ৰাজহুৱা স্বাৰ্থত উপস্থিত থকাৰ প্ৰবল ইচ্ছা আছিল। কিন্তু আজি পূৱা স্থানীয়ভাবে আয়োজনৰ খবৰ লোৱাৰ সময়ত মঞ্চৰ বেনাৰত মোৰ নাম উল্লেখ নাই বুলি অৱগত হলো। বিজ্ঞাপন যে এক আন্তৰিকতাহীন প্ৰয়াস। তাৰ পিছত আৰু এই অনুষ্ঠানলৈ অংশগ্ৰহন কৰিবলৈ যোৱাটো সম্ভৱ নহ’ল। এনে কাৰ্য পূৰ্বেও একাধিকবাৰ কৰি থকা পৰিলক্ষিত হৈছে। আনকি বিধায়কৰ পূঁজিৰে নিৰ্মান কৰা পথ উদ্ধোধনী অনুষ্ঠানলৈ সমষ্টিৰ বিধায়ক জনকে নিমন্ত্ৰণ নজনাই এক অশুভ আৰু অগণতান্ত্ৰিক পৰম্পৰাৰ সুত্ৰপাত কৰা হৈছে।
নাজিৰা সমষ্টিৰ অন্তৰ্গত মাইবেলাত পূৰ্বৰ চৰকাৰৰ তৎপৰতাত স্থাপন হোৱা লাকুৱা পৰিবৰ্ত্ত তাপবিদ্যুৎ প্ৰকল্পৰ উদ্বোধনী অনুষ্ঠানলৈ নাজিৰাৰ জনপ্ৰতিনিধিগৰাকী প্ৰধান বিৰোধী দল ভাৰতীয় জাতীয় কংগ্ৰছ দলৰ হোৱাৰ লগতে অসম বিধান সভাৰ বিৰোধী দলপতি হোৱাৰ বাবেই বিভাগীয় ভাবে অনিমন্ত্ৰিত হ’ল নেকি? এনে কাৰ্য গৰ্হিতই নহয়, সু্ষ্ঠ আৰু শক্তিশালী নিৰপেক্ষ গনতন্ত্ৰৰ প্ৰতিয়েই এক প্ৰকাৰ চুড়ান্ত ভাবুকিও।
বিৰোধী দল বুলিলেই অগনতান্ত্ৰিকভাবে এনে পদক্ষেপ কিয় গ্ৰহণ কৰে যাৰ দ্বাৰা গণতন্ত্ৰ, সাংবিধানিক বিধি ব্যৱস্থা উলংঘা হয়।
আশাকৰো, ভবিষ্যতৰ দিনত এনে গৰ্হিত কাৰ্যৰ পৰা সংশ্লিষ্ট পক্ষ আঁতৰি আহিবৰ বাবে আৰু এক সুস্থ পৰম্পৰা ৰক্ষা কৰি গনতন্ত্ৰ আৰু সামাজিক ন্যায় প্ৰতিষ্ঠাত অংশীদাৰ হোৱাৰ ক্ষেত্ৰত আপুনি বলিষ্ঠ ভূমিকা গ্ৰহন কৰিব।
আজি বিজ্ঞাপনত মোৰ নাম উল্লেখ থকা পিচতো মোৰ অনুপস্থিতি, ভৱিষ্যতে প্ৰশ্নৰ কাৰণ হ’ব পাৰে বাবে আপোনালৈ এই পত্ৰ প্ৰেৰণ কৰিলো।
আপোনাৰ,
স্বাক্ষৰ
(দেৱব্ৰত শইকীয়া)
মাণিকপুৰত এন আৰ চিৰ ওপৰত সজাগতা সভা

মাণিকপুৰত এন আৰ চিৰ ওপৰত সজাগতা সভা


মাণিকপুৰ : বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত সকলো গাৱঁৰ গাওঁৰক্ষী বাহিনীৰ সভাপতি, সম্পাদক, গাঁৱৰ সচেতন নাগৰিক, সমাজ সেৱক/ সেৱিকা, বিভিন্ন দল-সংগঠনৰ সদস্যক লৈ এক সজাগতা সভা অনুষ্ঠিত কৰে। অহা ৩১ জুনত এন আৰ ছিৰ দ্বিতীয় খচৰা আগমুহূৰ্তত বা পিছত দুষ্কৃতিকাৰীয়ে যাতে কোনো ধৰনৰ অপকৰ্ম বা আইন শৃংখলা বিঘ্নিত কৰিব নোৱাৰে তাৰ বাবেই এই সভাৰ মুখ্য আলোচনাৰ বিষয় আছিল। সভা উদ্দেশ্য ব্যাখ্যা কৰে মাণিকপুৰ আৰক্ষী থানাৰ ভাৰপ্ৰাপ্ত আৰক্ষী বিষয়া ৰুস্তম ৰাজ ব্ৰহ্মই। আইন শৃংখলা ওপৰত বিশেষ ভাবে বক্তব্য ৰাখে বঙাইগাঁওৰ উপ আৰক্ষী অধীক্ষক প্ৰাঞ্জিত বৰাৰ লগতে গাওঁৰক্ষী বাহিনীৰ উপদেষ্টা দিব্যজ্যোতি দত্তই। তেওঁলোকে সমাজৰ মাজত ভাতৃত্ববোধেৰে হাত মিলাই সহযোগ কৰি আইন শৃংখলা অটুট ৰাখিবলৈ সভাত উপস্থিত থকা সন্মানীয় ব্যক্তি সকলক পৰামৰ্শ আগবঢ়ায়।