সম্পূর্ণ খচৰাত নাম অন্তর্ভুক্ত হোৱা বিদেশীৰ তথ্য পৰীক্ষা কৰি থকা হৈছে


গুৱাহাটীঃ বিদেশী ন্যায়াধিকৰণত যিসকলৰ গোচৰ নিষ্পত্তি নোহোৱাকৈ আছে, সেইসকল লোকৰ নাম চূড়ান্ত এন আৰ চিত নোসোমায়৷ সংবাদ মাধ্যমক দেওবাৰে এই কথা জানিবলৈ দিয়ে এন আৰ চিৰ ৰাজ্যিক সমন্বয়ক প্রতীক হাজেলাই৷
হাজেলাই জনায় যে চূড়ান্ত এন আৰ চিৰ পৰা কোনো প্রকৃত ভাৰতীয় নাগৰিকৰ নাম বাদ নপৰে৷ হাজেলাই কয় যে ৩০ জুলাইত ঘোষণা কৰা এন আৰ চিৰ সম্পূর্ণ খচৰাত যিসকল বিদেশীৰ নাম অন্তর্ভুক্ত হৈছে, সেইসকল লোকে প্রকৃত তথ্য লুকুৱাইছিল৷ বিদেশী ন্যায়াধিকৰণত গোচৰ নিষ্পত্তি নোহোৱাকৈ থকাৰ কথাও লুকুৱাইছিল৷
বহুতেই নাম-ঠিকনা সলনি কৰাৰ কথা উল্লেখ কৰি কয় যে বিদেশী ন্যায়াধিকৰণত গোচৰ অমীমাংসিত হৈ থকা কোনো লোকেই চূড়ান্ত এন আৰ চিত স্থান নাপাব৷ হাজেলাই কয় যে সম্পূর্ণ খচৰাত নাম সন্নিৱিষ্ট বিদেশীসকলৰ তথ্য পৰীক্ষা কৰি থকা হৈছে৷ বিদেশী ন্যায়াধিকৰণে বিদেশী বুলি ঘোষণা কৰা আৰু গোচৰ নিষ্পত্তি নোহোৱাকৈ থকাসকলৰ তথ্য নিয়মীয়াকৈ পৰীক্ষা কৰি থকা হৈছে৷ ইতিমধ্যে বিদেশী বুলি চিনাক্ত হোৱা মৰিগাঁৱৰ যিসকল লোকৰ নাম সন্নিৱিষ্ট হৈছিল, সেইসকলৰ নাম ইতিমধ্যে তালিকাৰ পৰা বাদ দিয়াৰ কথা উল্লেখ কৰে৷
ছপাৰ ভুলৰ বাবেও নাম সন্নিৱিষ্ট হ’ব নলগা লোকৰ নাম সোমাই প্রকৃত ভাৰতীয় নাগৰিকৰ নাম বাদ পৰাৰ কথা উল্লেখ কৰে৷ যিকোনো ভুল দৃষ্টিগোচৰ হ’লেই তাক শুদ্ধ কৰি চূড়ান্ত এন আৰ চি প্রস্তুত কৰা হ’ব বুলি উল্লেখ কৰে৷

SHARE THIS

No. 1 Web Media in North-East India. Maintained and Published by Saiyad Bulbul Jamanur Hoque on behalf of Save Media Solution (A unit of SAVE).

0 comments: