পল্লৱী শর্মাক আত্মসমর্পণ কৰিবলৈ ন্যায়ালয়ৰ নির্দেশ - SANGBAD PRAHARI

Breaking

Post Top Ad

Responsive Ads Here

August 21, 2018

পল্লৱী শর্মাক আত্মসমর্পণ কৰিবলৈ ন্যায়ালয়ৰ নির্দেশ


গুৱাহাটী : কলকাতাত চিকিৎসাধীন হৈ থকা অসমৰ সাংসদ আৰ পি শর্মাৰ বৃক্ক সংৰোপণ সুকলমে সম্পন্ন হৈ গ’ল যদিও এইবাৰ দুটা নতুন ৰোগত আক্রান্ত হৈছে৷ তেওঁ সম্প্রতি হেপাটাইটিছ আৰু যক্ষ্মা ৰোগত আক্রান্ত হৈছে৷

অৱশ্যে তাৰ পাছতো তেওঁক শুশ্রূষা কৰিবৰ বাবে এ পি এছ চি কেলেংকাৰিত জড়িত হৈ গ্রেপ্তাৰ হোৱা সাংসদজনৰ কন্যা পল্লৱী শর্মাৰ অন্তৱর্র্তীকালীন জামিন বৃদ্ধি নকৰি আত্মসমর্পণ কৰিবৰ বাবে নির্দেশ দিছে আদালতে৷ এ পি এছ চিৰ চাকৰি কেলেংকাৰিত ৰাকেশ পাল বাহিনীক বৃহৎ ধন দি বক্র পথেৰে চাকৰি লোৱাৰ অভিযোগত শেহতীয়াকৈ গ্রেপ্তাৰ হোৱা পল্লৱী শর্মাক বিগত ১ আগষ্টত চিকিৎসাধীন পিতৃৰ শুশ্রূষাৰ বাবে মানৱীয়তাৰ খাতিৰত আদালতে অন্তৱর্র্তীকালীন জামিন প্রদান কৰিছিল৷

৩০ আগষ্টত কলকাতাত তেওঁৰ বৃক্ক সংৰোপণ কৰাৰ পাছত শাৰীৰিক অৱস্থাৰ অৱনতি ঘটা বুলি খবৰ ওলোৱাৰ পাছতে মানৱীয়তাৰ খাতিৰত পল্লৱীক জামিন প্রদান কৰা হৈছিল৷ ১৪ আগষ্টলৈ তেওঁক এই জামিন প্রদান কৰা হৈছিল৷ কিন্তু পিতৃ অসুস্থ হৈ থকাৰ বাবে তেওঁৰ আৱেদনৰ ভিত্তিত পৰৱর্তী সময়ত জামিন ২০ আগষ্টলৈ বৃদ্ধি কৰে আদালতে৷ ইফালে আদালতৰ নির্দেশত আজি মুখ্য তদন্তকাৰী বিষয়া সুৰজিৎ সিং পানেছাৰে কলকাতালৈ গৈ ৰবীন্দ্রনাথ ঠাকুৰ চিকিৎসালয়ত চিকিৎসাধীন হৈ থকা আৰ পি শর্মাৰ স্বাস্থ্যৰ বুজ লয়৷

কলকাতাৰ চিকিৎসালয়ৰ চিকিৎসকে সম্প্রতি ৰোগী সাংসদ শর্মাৰ স্বাস্থ্য সুস্থিৰ বুলি প্রতিবেদন প্রদান কৰে যদিও তেওঁ সম্প্রতি হেপাটাইটিছ আৰু যক্ষ্মা ৰোগত আক্রান্ত হোৱা বুলি প্রকাশ কৰে৷ পূর্বেই তেওঁৰ বৃক্ক সংৰোপণ সম্পন্ন হৈ গৈছে আৰু সেই সমস্যাত সম্প্রতি তেওঁ জটিলতাৰ পৰা মুক্ত হৈছে৷ বাকী দুটা ৰোগত তেওঁ নতুনকৈ আক্রান্ত হৈছে যদিও চিকিৎসা চলি আছে৷

কিন্তু তাৰ পাছতো তেওঁৰ শাৰীৰিক পৰিস্থিতিৰ উন্নতি ঘটা বুলি চিকিৎসকে প্রতিবেদন দিয়ে৷ এই প্রতিবেদন আজিয়েই আদালতত দাখিল কৰে আৰক্ষীয়ে৷ ইয়াৰ পাছতে আজি গুৱাহাটী উচচ ন্যায়ালয়ে বিষয়টোৰ শুনানি গ্রহণ কৰি তেওঁৰ অন্তৱর্র্তীকালীন জামিন বৃদ্ধি নকৰি আত্মসমর্পণ কৰিবৰ বাবে নির্দেশ দিয়ে৷ পল্লৱী শর্মাক আদালতে অহা ২৪ আগষ্টৰ ভিতৰত ৰাজ্যৰ বিশেষ আদালতত আত্মসমর্পণ কৰিবলৈ নির্দেশ দিয়ে৷ ফলত তেওঁৰ পুনৰ কাৰাগাৰ যাত্রা নিশ্চিত হৈ পৰিছে৷

পূর্বৰ নির্দেশ অনুসৰি পল্লৱী শর্মাৰ আজিলৈকে জামিন মঞ্জুৰ হৈছিল৷ প্রণিধানযোগ্য যে তেওঁক পিতৃৰ শুশ্রূষাৰ বাবে অন্তৱর্র্তীকালীন জামিন প্রদান কৰি আদালতে পিতৃৰ শুশ্রূষাৰ বাহিৰে অন্য কাম কৰাত বাধা প্রদান কৰাৰ লগতে লগত সকলো সময়তে এগৰাকী মহিলা আৰক্ষী নিয়োগ কৰিছিল৷
Responsive Ads Here