৩০ ঘণ্টাৰ ভিতৰত মেৰামতিৰ নির্দেশ দিয়া মুখ্যমন্ত্রীক ১৫ দিনৰ সময়সীমা


ডিব্ৰুগড় :  ৰাষ্ট্রীয় ঘাইপথ মেৰামতিৰ বাবে ঘাইপথ প্রাধিকৰণক ৩০ ঘণ্টাৰ সময়সীমা দিয়া মুখ্যমন্ত্রীক এইবাৰ আছুৱে বান্ধি দিলে সময়সীমা৷ মুখ্যমন্ত্রী সর্বানন্দ সোণোৱালে কিছুদিনৰ পূর্বে বিধবস্ত ৩৭নং ৰাষ্ট্রীয় ঘাইপথ মেৰামতিৰ বাবে ঘাইপথ প্রাধিকৰণক ৩০ ঘণ্টা সময়সীমা দিয়াৰ পাছতো কোনো গুৰুত্ব প্রদান নকৰিলে৷ বৰঞ্চ ৰাষ্ট্রীয় ঘাইপথৰ অৱস্থা দিনক দিনে শোচনীয় হৈ গৈ আছে৷
সম্প্রতি ৰাষ্ট্রীয় ঘাইপথটোৰে যাতায়াত একেবাৰে অনুপযোগী হৈ পৰিছে৷ বিধবস্ত ৰাষ্ট্রীয় ঘাইপথে পথচাৰীৰ লগতে ৰাইজক ক্ষুব্ধ কৰি তুলিছে৷ ৰাষ্ট্রীয় ঘাইপথ মেৰামতিৰ বিষয়টোত চৰকাৰেই হওক বা ঘাইপথ প্রাধিকৰণেই হওক কোনো পদক্ষেপ গ্রহণ নকৰাত সদৌ ডিব্রুগড় জিলা ছাত্র সন্থা সৰৱ হৈ পৰিছে৷
৩৭নং ৰাষ্ট্রীয় ঘাইপথৰ মেৰামতিৰ বাবে আছুৰ ডিব্রুগড় জিলা সমিতিয়ে ১৫ দিনৰ সময়সীমা মুখ্যমন্ত্রী সর্বানন্দ সোণোৱালক বান্ধি দিছে৷ অন্যথা ২৫ আগষ্টৰ পৰা আছুৰ উদ্যোগত ধাৰাবাহিক আন্দোলন গঢ়ি তোলা হ’ব বুলিও সকীয়াই দিছে৷ এই সন্দর্ভত সদৌ ডিব্রুগড় জিলা ছাত্র সন্থাই জিলা উপায়ুক্তৰ জৰিয়তে মুখ্যমন্ত্রীলৈ এখন স্মাৰক-পত্র প্রেৰণ কৰিছে৷ স্মাৰক- পত্রত ডিব্রুগড় জিলাত বিধবস্ত হৈ থকা গড়কাপ্টানী পথসমূহো শীঘ্রে মেৰামতিৰ ব্যৱস্থা কৰিবলৈ দাবী জনাইছে৷
উল্লেখযোগ্য যে, ৩৭নং ৰাষ্ট্রীয় ঘাইপথৰ ডিব্রুগড়, তিনিচুকীয়া জিলাত পুখুৰী সদৃশ দ গাঁতৰ সৃষ্টি হৈছে৷ ৰাষ্ট্রীয় ঘাইপথটোৰ লালুক গাঁও, গদাপাণি, চাউলখোৱা, চাবুৱা, বৰবৰুৱা, ডিকম, লাহোৱাল, তিনিচুকীয়া, বৰহাপজান, হিজুগুৰি, নালিয়াপুল আদিৰ সমীপত মৰণ ফান্দত পৰিণত হৈছে৷

SHARE THIS

No. 1 Web Media in North-East India. Maintained and Published by Saiyad Bulbul Jamanur Hoque on behalf of Save Media Solution (A unit of SAVE).

0 comments: